[prenta uppsett í dálka] 104. fundur, 130. lþ.
Lára Stefánsdóttir:
Frú forseti. Ég fagna þessari umræðu í tengslum við sláturhús og tel að það sé mikilvægt, eins og hér hefur komið fram, að skoðun og mat á því sem slátrað er hérlendis sé einfaldara innan lands en erlendis og því stundum gerður greinarmunur á þó að það sé ekki gert hér.
Ég vildi hins vegar bæta við í því sambandi að það er brýnt að bæta aðgerðir varðandi flutning á lifandi búfénaði til að gera sláturhúsum kleift og auðveldara að flytja sauðfé, en oft er um langan veg að fara í sláturhús. Þeim er gert nógu erfitt hvað varðar skatta á flutningsgjöld sem ríkisstjórnin hefur lagt á þá, á flutninginn, sem leiðir til þess að erfitt er að fjárfesta í hagkvæmum flutningstækjum sem eru ákjósanleg fyrir búfénaðinn og vegvæn fyrir vegi landsins. Og einnig þarf að gera bændum kleift að selja kjöt, þeirra eigin vöru, þó að slátrað hafi verið í sláturhúsi þar til gerðu, án þess að réttur þeirra til niðurgreiðslna skerðist.
