Magnús Þór Hafsteinsson (andsvar):
Virðulegi forseti. Getur hv. þm. Sigurður Kári Kristjánsson þá upplýst mig um hve margar konur á aldrinum 18--24 ára hafi komið hingað á fölskum forsendum á undanförnum árum, t.d. í gegnum sýndarhjónabönd eða annað þess háttar? Það væri gaman að fá að sjá einhverjar tölur yfir það í staðinn fyrir að hlusta á útskýringar sem ganga út á að þannig sé háttað í öðrum löndum og útskýringar á borð við ,,af því bara``. (Gripið fram í.) Komdu með tölur, hv. þm., leggðu þær á borðið og leyfðu okkur að heyra.