[prenta uppsett í dálka] 107. fundur, 130. lþ.
Ögmundur Jónasson:
Hæstv. forseti. Fréttir berast af alvarlegu og versnandi ástandi í Írak. Aðfarir bandaríska hernámsliðsins og fylgifiska þess vekur ugg. Stöðugt berast fréttir af fjöldamorðum. Í morgun berast nú fréttir af pyntingum.
Fyrir nokkru síðan voru fjórir bandarískir hermenn drepnir á hrottafenginn hátt. Hernámsliðið greip til hefndaraðgerða. 600--700 manns, þar á meðal óbreyttir borgarar, börn og gamalmenni lágu í valnum. Þetta minnir á hefndaraðgerðir nasista í heimsstyrjöldinni síðari.
Íslendingar bera hér ábyrgð. Er ekki ástæða til þess að fulltrúar hinnar staðföstu stjórnar sem hefur staðið í einu og öllu við bakið á hernámsliðinu láti nú frá sér heyra, biðji íröksku þjóðina og einnig þá íslensku afsökunar á framferði sínu?
