Anna Kristín Gunnarsdóttir:
Herra forseti. Þetta frv. sem hér er til meðferðar mun gera íslenska fjölmiðlalöggjöf að einsdæmi í heiminum. Það er sértækt og stjórnarþingmenn sjálfir hafa staðfest í ræðum sínum að það beinist gegn einu fyrirtæki. Ef samþykkt verður mun það stuðla að fábreytni á fjölmiðlamarkaði. Það er skoðun sérfræðinga sem hafa veitt álit sitt að frv., einnig að teknu tilliti til brtt., muni að öllum líkindum brjóta í bága við margar greinar stjórnarskrár lýðveldisins.
Samf. leggur til að þessu frv., sem á rætur í hörundssárum stjórnmálamönnum sem þola ekki gagnrýni og vilja ritskoðun og finna að þeir hafa ekki lengur öll tögl og hagldir í fjölmiðlaheiminum, verði vísað frá. Ég segi já.