Forseti (Halldór Blöndal):
Hv. þm. kvaddi sér ekki hljóðs til þess að ræða við sjútvrh. Ég vil vekja athygli á því að það var kunnugt öllum formönnum þingflokka að bæði þessi mál yrðu tekin fyrir í dag, bæði 1. dagskrármálið og svo 2. og 3. dagskrármálin sem verða rædd saman. Það kemur engum hv. þingmanni á óvart að þau skuli vera hér á dagskrá. (Gripið fram í: Við viljum skýringar.) Sá maður sem grípur fram í fyrir forseta, sem er formaður þingflokks Frjálsl., kvartar yfir því að vera illa undir það búinn að ræða 2.--3. dagskrármálin. Ég get ekki við því gert.