[prenta uppsett í dálka] 119. fundur, 130. lþ.
Mörður Árnason (andsvar):
Herra forseti. Ég þakka hv. þm. fyrir að minnast á það áhugaefni okkar samfylkingarmanna að það sé íbúalýðræði í sveitarfélögunum. Ég held samt að bæði á höfuðborgarsvæðinu og varðandi Grímsey hljótum við að horfa á það að annars vegar þarf að vera til eining sem sér mönnum fyrir ákveðinni þjónustu og verður að geta borið hana uppi. Hins vegar getur komið til greina að í lögum eða a.m.k. í reglum sveitarfélaganna sjálfra séu ákvæði um að til sé ákveðin hverfisstjórn, ef maður talar sem borgarbúi, eða sveitarstjórn eða sveitarráð sem er undir því og það er það sem maður á auðvitað við t.d. með því að hagur Grímseyinga kunni að verða betri með því að vera hluti af öðru sveitarfélagi, hvað þá hreppar sem eru í raun og veru til upp á punt eða vegna sérstakra aðstæðna eins og Skilmannahreppur og Skorradalur.
