[prenta uppsett í dálka] 119. fundur, 130. lþ.
Guðlaugur Þór Þórðarson (andsvar):
Virðulegi forseti. Í sjálfu sér er ekkert meira um það að segja. Þó verð ég eiginlega að nota tækifærið samt sem áður og segja frá því að það eru ýmsir fletir á því og í því frv. sem liggur fyrir er einmitt minnst á nefnd sem er ætlað að vinna að tillögum um aðlögun tekjustofna sveitarfélaga að breyttri verkaskiptingu og sveitarfélagaskipan. Þar sitja Kristján Þór Júlíusson, bæjarstjóri á Akureyri, og Árni Þór Sigurðsson, forseti borgarstjórnar Reykjavíkur, og auk þess tveir ágætir menn úr ráðuneytum, þannig að Vinstri grænir komast líka að þó með krókaleiðum sé kannski.
