[prenta uppsett í dálka] 123. fundur, 130. lþ.
Jóhann Ársælsson:
Hæstv. forseti. Í fyrsta sinn í sögu lýðveldisins eru greidd atkvæði á Alþingi um að skerða tjáningarfrelsið. Prentfrelsið hefur um langan aldur verið barmmerki lýðræðisins en þeir sem fara með völdin í landinu ætla nú í krafti þess að þeir hafa þægan meiri hluta á Alþingi að skerða það frelsi. Frv. sem hér eru greidd atkvæði um skerðir þau réttindi sem 73. gr. stjórnarskrárinnar á að verja. Ég hef sem þingmaður heitið því að virða stjórnarskrána. Ég segi því nei.
