Forseti (Guðmundur Árni Stefánsson):
Borist hafa tvö bréf um fjarvistir þingmanna. Hið fyrra er frá 2. þm. Norðaust., Halldóri Blöndal, dags. 24. maí, og hljóðar svo:
,,Þar sem ég er á förum til útlanda í opinberum erindum og get því ekki sótt þingfundi á næstunni óska ég eftir því, með vísan til 2. mgr. 53. gr. þingskapa, að 1. varaþingmaður Sjálfstæðisflokksins í Norðausturkjördæmi, Sigríður Ingvarsdóttir, taki sæti mitt á Alþingi á meðan.
Virðingarfyllst,
Halldór Blöndal.``
Síðara bréfið er frá 1. þm. Norðvest., Sturlu Böðvarssyni, dags. 24. maí, og hljóðar svo:
,,Þar sem ég er á förum til útlanda í opinberum erindum og get því ekki sótt þingfundi á næstunni óska ég eftir því, með vísan til 2. mgr. 53. gr. þingskapa, að 2. varamaður á lista Sjálfstæðisflokksins í Norðvesturkjördæmi, Adolf H. Berndsen, Skagaströnd, taki sæti mitt á Alþingi á meðan. Fyrsti varamaður á listanum er forfallaður.
Sturla Böðvarsson.``
Borist hefur tölvuskeyti frá Guðjóni Guðmundssyni, 1. varaþingmanni Sjálfstfl. í Norðvest., dags. 24. maí 2004, þar sem hann tilkynnir að hann geti ekki tekið sæti á Alþingi í forföllum ráðherra.
Kjörbréf Sigríðar Ingvarsdóttur og Adolfs H. Berndsens hafa verið rannsökuð og samþykkt. Þau hafa áður tekið sæti á Alþingi og eru boðin velkomin til starfa á ný.