[prenta uppsett í dálka] 127. fundur, 130. lþ.
Pétur H. Blöndal (andsvar):
Frú forseti. Hv. þm. segist ekki hafa trú á að menn fresti því að fara í fæðingarorlof þótt bæturnar væru lækkaðar. Mætti ekki lækka þær meira? Mætti ekki lækka þær niður í 400 þús. kr. launaviðmið eða niður í 320 þús. kr. í bætur? Mundi það stoppa menn eða hvar eru mörkin?
Önnur spurning. Í Lífeyrissjóði sjómanna, eins og í öðrum lífeyrissjóðum, fá örorkulífeyrisþegar örorkulífeyri miðað við tekjur án hámarks. Telur hv. þm. ekki koma til greina að setja svipað hámark þar, með nákvæmlega sömu rökum, frú forseti?
