Jóhanna Sigurðardóttir:
Hér eru greidd atkvæði um brtt. frá þingmönnum Samf. um að allir sem eru að kaupa sína fyrstu íbúð fái 90% lán en ekki aðeins þeir sem uppfylla tekjutengd skilyrði til að fá viðbótarlán. Hér er stigið lítið skref til að koma á 90% húsnæðislánum sem var eitt meginloforð framsóknarmanna fyrir síðustu kosningar. Framsóknarmenn lofuðu að frv. um 90% lán yrði lagt fram við upphaf þessa þings. Enn bólar ekkert á því frv. Á það reynir nú hvort þingmenn Framsfl. meintu eitthvað með því sem þeir sögðu um þetta mál fyrir kosningar.