Össur Skarphéðinsson (andsvar):
Herra forseti. Þetta er fyrst og fremst táknræns eðlis af minni hálfu. Ég tel ekki að það að forsrh. skipi þessa tvo einstaklinga, formann og varaformann, skipti nokkru máli (BjarnB: Nei.) varðandi störf Þingvallanefndar eða framkvæmd mála þar að öðru leyti. Þetta er einvörðungu táknræn undirstrikun á þeim sterku og gömlu tengslum sem Alþingi hefur við þjóðgarðinn. Það er ekki neitt annað.