Bjarni Benediktsson:
Virðulegi forseti. Málið sem við erum að afgreiða fékk góðan undirbúning áður en það var lagt fram á þinginu en auk þess hefur mikið verið unnið í því á þinginu í allshn. Ég hygg að eins og málið liggur fyrir sé enginn efnislegur ágreiningur um eitt einasta atriði og ég vil því leyfa mér að lýsa yfir furðu minni á því að menn skuli ekki vilja styðja málið eins og það liggur fyrir. Ég hafna því algjörlega að málið hafi komið illa undirbúið fyrir þingið enda var það þá í þeim búningi sem við sjáum víða annars staðar, til að mynda í Noregi, Danmörku og í öðrum löndum sem við berum okkur gjarnan saman við.