Halldór Blöndal (andsvar):
Frú forseti. Ég virðist nú vita betur en hv. þm. hver hefur verið afstaða Samf. fram að þessu til hátekjuskatts eftir hans ummælum hér áðan. En ég hygg á hinn bóginn að hv. þm. reyni enn að koma því til skila til þeirra sem þannig vilja hugsa að nú sé Samfylkingin á móti hátekjuskatti. Það eru kannski áhrif frá hv. þm. inn í þingflokk Samf. að hún hefur breytt svo um skoðun.