Sigurjón Þórðarson:
Frú forseti. Ég vil minna hæstv. ráðherra á að það eru til skýrslur og tillögur m.a. sem ASÍ útbjó á vordögum sem heita ,,Velferð fyrir alla``. Þar er lögð sérstök áhersla á að fátækt bitni ekki á börnum, m.a. er lögð áhersla á að greiða niður kostnað sem börn þurfa að greiða vegna tómstunda- og íþróttastarfs þannig að þeim sé ekki mismunað þar. Einnig þau gjöld sem börn eru rukkuð um vegna starfs sem fer fram í skólum. Ég tel að hæstv. ráðherra ætti að nýta sér þær tillögur og leita ekki langt yfir skammt.