Mörður Árnason:
Hæstv. forseti. Ég þakka svörin en vek athygli á að til að auðvelda störf þingsins er mikilvægt að vilji umhvrh. í málinu liggi fyrir. Við erum sammála um það, ég og hæstv. umhvrh., að tillagan sé tilgangslaus og hafi engar afleiðingar nema þá pólitískar og þess vegna er spurningin: Hvaða pólitískar afleiðingar gæti þessi þáltill. haft á umhvrh.? Hyggst hún fara með einhverjum hætti eftir tillögunni ef hún verður samþykkt á þinginu? Ef umhvrh. svarar engu um það er í raun tilgangslaust að taka tillöguna til umræðu í umhvn.