[prenta uppsett í dálka] 16. fundur, 130. lþ.
Sigurjón Þórðarson:
Virðulegi forseti. Þetta mál snýst ekki eingöngu um sjúkdómavarnir, heldur einnig um dýravernd, að vera að þvæla þessum skepnum landshorna á milli fyrir slátrun. Og vegna orða hæstv. landbrh. um einhverja hagkvæmni í þessari fækkun sláturhúsa, þá er það bara staðreynd sem ekki er hægt að líta fram hjá að það hefur engin hlutlaus úttekt verið gerð á því hvort þessi miðstýrða ríkishagræðing sé í raun einhver hagræðing. Og það eru meira að segja miklar líkur á því að slátrun í þessum útflutningshúsum leiði til aukins kostnaðar fyrir landbúnaðinn.
