Heilbrigðisráðherra (Jón Kristjánsson):
Herra forseti. Því er við að bæta að greiðsluþátttaka í tæknifrjóvgunum er almennt nokkuð há. Það eru dýrar aðgerðir. En ég endurtek að ég er tilbúinn til að láta skoða þessa reglugerð, hvort til eru undantekningartilvik og hvað þau hafa í för með sér. Ég skil alveg þá aðstöðu sem fyrirspyrjandi lýsir. Ég endurtek að ég hef ekki verið með þetta mál á mínu borði en ég er tilbúinn að taka það upp og láta skoða það.