[prenta uppsett í dálka] 29. fundur, 130. lþ.
Umhverfisráðherra (Siv Friðleifsdóttir) (andsvar):
Virðulegur forseti. Það er alls ekki hægt að túlka orð mín eins og hv. þm. gerði. Ég var einmitt að segja að ég teldi 8. gr. og 15. gr. í frv. mjög eðlilegar. Eins og ég skildi hv. þm. þá kemur annars staðar fram tilvísun til orðalagsins ,,umtalsverð umhverfisáhrif``. Það má vera að þar séu tæknileg mistök við samningu frumvarpsins. Ég átti við að ef um slíkt væri að ræða þá væri eðlilegt að nefndin skoðaði það.
