[prenta uppsett í dálka] 29. fundur, 130. lþ.
Mörður Árnason (andsvar):
Forseti. Þetta var mjög merkileg yfirlýsing hjá hæstv. umhvrh. Það kemur fram að hæstv. umhvrh. virðist hvorki semja frumvörp sín né greinargerðir sjálf eða hafa nokkra hugmynd um hvað í þeim stendur. Það kemur fram að hún var að spyrja, í tengslum við þessa umræðu og væntanlega hér í hliðarsal, lögfræðing úr ráðuneytinu hvernig stæði á þessu með tilskipunina. Kannski hefur hæstv. umhvrh. ekki haft hugmynd um þessa tilskipun fyrr en nú í kvöld að lögfræðingurinn í hliðarsalnum sagði henni frá henni.
Ég fer fram á að þegar hæstv. ráðherrar bera fram stjórnarfrv. þá viti þeir hvað þeir eru að gera og viti hvernig þau stjórnarfrv. hafa verið búin til.
