Pétur H. Blöndal (andsvar):
Herra forseti. Þetta er náttúrlega mjög merkileg orðræða í ljósi þess sem haft var að leiðarljósi þegar kjör kennara, hjúkrunarfræðinga og fjöldamargra annarra opinberra starfsmanna voru aðlöguð að launum á almennum markaði. Þar var einmitt alltaf verið að benda á það að laun á almennum markaði væru hærri og þess vegna þyrfti að hækka laun opinberra starfsmanna. En hv. þm. er að segja að þau eigi í rauninni að vera lægri vegna allra þeirra réttinda sem hanga með þeim.