Forseti (Birgir Ármannsson):
Forseti vill taka fram að það hlé sem gert verður á þingfundum til nefndastarfa hefur legið fyrir í starfsáætlun þingsins frá því í haust. Þessi athugasemd sem hv. þm. gerir er dálítið seint fram komin miðað við það að nefndastörf eiga að hefjast á morgun samkvæmt áætlun. Athugasemdin verður auðvitað tekin til umfjöllunar á fundi forsn. og að sama skapi hefur hv. þm. færi á að ræða þetta á fundi formanna þingflokka með forseta.