Steingrímur J. Sigfússon:
Herra forseti. Þingmenn Vinstri hreyfingarinnar -- græns framboðs flytja allmargar brtt. við fjárlagafrv. eins og nefndarmaður okkar í fjárln. hefur þegar gert grein fyrir. Við flytjum tillögur um tekjuöflun til að mæta að verulegu leyti útgjöldum vegna þessara brtt. Þær eru tvíþættar. Annars vegar fela þær í sér að álagning hátekjuskatts verði með sama sniði og var um árabil, að álagið á hæstu tekjur eða laun ofan við ákveðin viðmiðunarmörk verði 7%. Hins vegar gera þær ráð fyrir breyttri álagningu fjármagnstekjuskatts, þ.e. að skattlagningu vaxta, arðs, hagnaðar af sölu hlutabréfa og öðru slíku verði hagað þannig að það skili um 2 milljörðum kr. í ríkissjóð, með frítekjumarki og hærri skattþrepum en nú eru.
Með þessu mundum við afla rúmlega 3 milljarða kr. tekna upp í þær brtt. sem við flytjum á útgjaldahlið.