[prenta uppsett í dálka] 38. fundur, 130. lþ.
Frsm. meiri hluta utanrmn. (Sólveig Pétursdóttir) (andsvar):
Hæstv. forseti. Það er alveg ljóst að hv. þm. Steingrímur J. Sigfússon er að snúa út úr staðreyndum mála í sinni ræðu. Hann sneri líka út úr þeim upplýsingum sem koma fram í blaði frá utanrrn. og hann óskaði sjálfur eftir.
Ég spyr á móti: Hver er stefna Vinstri grænna í öryggis- og varnarmálum? Ég lýsi eftir slíkri stefnu. Má skilja hv. þm. sem svo að engin þörf sé fyrir varnir í heiminum í dag? Telja Vinstri grænir að hvergi yrðu stríð eða átök í heiminum ef engar varnir væru fyrir hendi? Hafa þeir ekki áttað sig á þeim breytingum sem hafa orðið á heimsmálum?
Að lokum: Átta þeir sig á því að stefna Vinstri grænna í varnar- og öryggismálum er algjörlega óraunhæf og skilur sig alveg frá straumum í stjórnmálum í Evrópu? Svör óskast.
