[prenta uppsett í dálka] 41. fundur, 130. lþ.
Lúðvík Bergvinsson:
Virðulegi forseti. Ég þakka hv. þm. Jóhönnu Sigurðardóttur fyrir að kalla eftir svörum frá hæstv. ráðherra um þessi efni og reyna að draga það fram hvort einhver vinna sé í gangi við að setja almennar reglur.
Mig langaði, virðulegi forseti, að beina þeirri fyrirspurn til hæstv. viðskrh. í tengslum við þá samninga sem hafa verið til umræðu undanfarið hvernig hún telji að skattaleg meðferð á kaupréttarsamningum eigi að vera, þ.e. hvort það eigi að skattleggja kaupréttarsamninga sem fjármagnstekjur væru eða hvort skattleggja eigi kaupréttarsamninga og hagsmuni af þeim í samræmi við launatekjur. Ég tel skipta miklu máli hvernig þetta er gert og ég tel mikilvægt að afstaða hæstv. viðskrh. til þess máls liggi fyrir á hinu háa Alþingi.
