Guðmundur Árni Stefánsson:
Forseti. Hér er gerð tillaga um að ríkisstjórninni sé heimilt að kaupa eða leigja húsnæði fyrir heilsugæslustöð í Hafnarfirði. Nú er í gildandi fjárlagafrv. heimild til kaupa eða leigu á húsnæði fyrir heilsugæsluna á höfuðborgarsvæðinu. Hér er eingöngu verið að undirstrika mikilvægi þess að staðið verði við gefin fyrirheit í Hafnarfirði um þessi efni. Því er afskaplega sérkennilegt að horfa hér upp á vegginn og sjá stjórnarliðana greiða atkvæði gegn þessari heimild, ekki síst í ljósi þess að hæstv. heilbrrh. hefur ítrekað í umræðu um þessi mál staðfest það að til standi að kaupa eða leigja húsnæði fyrir heilsugæsluna í Hafnarfirði og hefja þar rekstur á næsta ári. Ég stend hér á gati, herra forseti, yfir þessu athæfi. (Gripið fram í.) Ég segi já.