[prenta uppsett í dálka] 43. fundur, 130. lþ.
Heilbrigðisráðherra (Jón Kristjánsson):
Herra forseti. Í fjárlagafrv. er heimildargrein sem gerir ráð fyrir að heimilt sé að kaupa eða leigja húsnæði fyrir heilsugæslustöðvar á höfuðborgarsvæðinu. Það er sama heimildargrein og var í þeim fjárlögum sem við samþykktum í fyrra og þessi heimildargrein er alveg nægjanleg til þess að fara í aðgerðir í Hafnarfirði. (Gripið fram í.) Það hefur margsinnis komið fram að röð okkar í heilbrrn. er Salahverfið í Kópavogi, Voga- og Heimahverfi, síðan kemur að Hafnarfirði. Ég segi því nei við þessari tillögu.
