[prenta uppsett í dálka] 44. fundur, 130. lþ.
Ögmundur Jónasson (andsvar):
Herra forseti. Um er að ræða breytingar á lögum um greiðslu Atvinnuleysistryggingasjóðs vegna fiskvinnslufólks. Þessi lög byggja á þríhliða samkomulagi verkalýðshreyfingar, atvinnurekenda og ríkisvalds og hafa verið útfærð í kjarasamningum á milli verkalýðshreyfingarinnar og atvinnurekenda. Hefur farið fram samráð við aðila á vinnumarkaði um mótun þessara tillagna eða þessa frv.? Ég óska eftir því að hæstv. ráðherra upplýsi þingið um hvort svo sé og með hvaða hætti.
