[prenta uppsett í dálka] 44. fundur, 130. lþ.
Pétur H. Blöndal (andsvar):
Frú forseti. Samkvæmt upplýsingum kjararannsóknarnefndar eru meðallaun Íslendinga 250 þús. kr. núna. Það er sem sagt fjöldi manna með 300 þús. kr. á mánuði. Það fólk, samkvæmt upplýsingum á heimasíðum nokkurra lífeyrissjóða, fær um 60% af launum sem lífeyri, sem sagt 200 þús. kr. Þrítugur öryrki með 200 þús. kr. í lífeyri plús 25 þús. kr. fyrir hvert barn, fær 12 þús. kr. til viðbótar samkvæmt þessu samkomulagi. Finnst hæstv. ráðherra það eðlilegt?
Önnur spurning: Telur hæstv. ráðherra að endurtekin atlaga og árásir Öryrkjabandalagsins kunni að slæva vilja stjórnvalda og skattgreiðenda til að bæta kjör öryrkja í framtíðinni?
