[prenta uppsett í dálka] 46. fundur, 130. lþ.
Arnbjörg Sveinsdóttir:
Hæstv. forseti. Mér þóttu dálítið merkileg þau orð sem féllu hér hjá hv. þm. Önnu Kristínu Gunnarsdóttur, að stofnanir hefðu komið til fundar við fjárln. í boði minni hluta fjárln. Það er auðvitað ekki svo, heldur koma menn sér saman um það í fjárln. hverjir eru boðaðir til fundar. Tillögurnar geta hugsanlega komið frá minni hlutanum í upphafi en hugsanlega líka frá meiri hlutanum og það er nú þannig í langflestum tilfellum. En um þetta er samráð innan nefndarinnar og stofnanir og aðilar kallaðir til fundar með nefndinni í fullkomnu samkomulagi og samráði og ég reikna alveg með því að það verði svoleiðis áfram eins og hefur verið hingað til.
