[prenta uppsett í dálka] 49. fundur, 130. lþ.
Jón Bjarnason (andsvar):
Virðulegi forseti. Við skiljum þetta nokkuð rétt og eins, ég og hv. þm. Guðmundur Hallvarðsson. Málið er einfaldlega það að þetta snýst ekkert um hvort upphæð á tollunum sé að vernda, hvetja eða stöðva inn- eða útflutning á þessari vöru, þetta snýst um að lögin séu sjálfum sér samkvæm, taki á því sem á að taka og ætlunin er að taka á. Þetta snýst fyrst og fremst um það. Ef það þarf ekki að hnykkja á þessu með frekari orðum eru það skilaboð til landbrh. varðandi reglugerðina og hvernig flutningsmenn skilja málið að ætlunin er að þetta fari þessa tæknilegu leið. Upphæðir á tollum eða krónum og aurum í því sambandi skipta þar ekki máli. Lögin eiga að vera skýr og reglugerðin á að vera skýr svo að það séu engin áhöld um framkvæmd þessa máls.
