[prenta uppsett í dálka] 50. fundur, 130. lþ.
Sigurjón Þórðarson (andsvar):
Frú forseti. Ég þakka fyrir þessar upplýsingar. Það verður fróðlegt að bera þær upplýsingar sem komu fram í fréttatímunum frá hæstv. forsrh. saman við þá útreikninga sem mér skilst á hv. formanni allshn. að við fáum síðar í dag, þ.e. ef ég skildi hann rétt. Það verður fróðlegt að bera þetta saman og sjá hver endanleg niðurstaða verður. En ég stend fastur á því að þegar menn ætla að gera frv. að lögum eiga þeir nokkurn veginn að gera sér grein fyrir kostnaðinum fyrir fram.
