[prenta uppsett í dálka] 50. fundur, 130. lþ.
Sigurjón Þórðarson (andsvar):
Frú forseti. Ég held að þessi umræða og ræða hv. þingmanns undirstriki það að þetta er flókið. Við verðum að taka meiri tíma í að skoða málið. Þessar greiðslur eru mjög umdeildar, einnig í Sjálfstfl., og ég held að það færi miklu betur á því að við tækjum þann tíma sem þarf í málið og reyndum að skapa betri sátt um það í þjóðfélaginu, fara m.a. yfir kostnaðinn. Það er furðulegt að standa í þessum sporum hér nú og fjalla um frv. án þess að vita nokkuð hvað það kostar.
Í fyrrakvöld var af valdamesta manni þjóðarinnar slegið á að þetta kostaði 6 millj., svo er það hrokkið niður í 1--2. Ég veit ekki hver kostnaðurinn verður en það væri mjög fróðlegt að bera þessar tölur saman við endanlega útkomu sem við eigum von á í útreikningum hér í dag eða næstu daga. Ég tel að okkur liggi ekkert á að afgreiða þetta mál, það eigi að fara í góða umræðu og aftur inn í nefndina og skoðast mun betur.
