Frsm. meiri hluta allshn. (Bjarni Benediktsson) (andsvar):
Virðulegi forseti. Í frv. eru fjórir hópar sem frv. hefur fyrst og fremst áhrif á. Það er verið að fjalla um alþingismenn, ráðherra, hæstaréttardómara og embætti forseta Íslands. Kaflarnir í frv. eru alveg klárir hvað þetta snertir. Af þeirri ástæðu hefur samantektin verið byggð á þessu.
Eflaust er hægt að fara út í endalausa útreikninga á áhrifum frv. fyrir einstaka aðila. En ég hef talið að það mundi ekki gagnast í þeirri umræðu sem við erum að reyna að taka hér.