Forseti. Þetta mál sprettur upp af athugun hv. þm. Jóhönnu Sigurðardóttur um að nefskattar af þessu tagi, þessi hér og líka nefskatturinn sem á að renna til RÚV ohf., voru ekki ætlaðir þeim sem eingöngu hafa fjármagnstekjur.

Þetta var hárrétt athugasemd og brugðist út af fyrir sig snarplega við henni. Ég greiði frumvarpinu fúslega atkvæði mitt, þó í því trausti að Siv Friðleifsdóttir, hæstv. heilbrigðisráðherra, noti ekki þetta aukna fé til þess að efna í frekari kosningabaráttuplögg fyrir sjálfa sig. Ég segi já.