2. FUNDUR
fimmtudaginn 31. maí,
kl. 7.50 síðdegis.
[19:51]
Stefnuræða forsætisráðherra og umræða um hana.
Umræðum um stefnuræðu forsætisráðherra var útvarpað og sjónvarpað. Umræðurnar skiptust í þrjár umferðir. Forsætisráðherra hafði 20 mínútur til framsögu en aðrir þingflokkar en þingflokkur forsætisráðherra höfðu 12 mínútur í fyrstu umferð, í annarri umferð höfðu þingflokkarnir 6 mínútur en í þeirri þriðju 5 mínútur hver þingflokkur.
Röð flokkanna var í öllum umferðum þessi: Sjálfstæðisflokkur, Vinstri hreyfingin -- grænt framboð, Samfylkingin, Framsóknarflokkur og Frjálslyndi flokkurinn.
Ræðumenn fyrir Sjálfstæðisflokk voru Geir H. Haarde forsætisráðherra í fyrstu umferð, Ólöf Nordal, 9. þm. Norðausturkjördæmis, í annarri umferð og Guðlaugur Þór Þórðarson heilbrigðisráðherra í þriðju umferð.
Ræðumenn fyrir Vinstri hreyfinguna -- grænt framboð voru Steingrímur J. Sigfússon, 4. þm. Norðausturkjördæmis, í fyrstu umferð, í annarri Katrín Jakobsdóttir, 4. þm. Reykjavíkurkjördæmis norður, og í þriðju umferð Guðfríður Lilja Grétarsdóttir, 6. þm. Suðvesturkjördæmis.
Ræðumenn Samfylkingarinnar voru í fyrstu umferð Ingibjörg Sólrún Gísladóttir utanríkisráðherra, Þórunn Sveinbjarnardóttir umhverfisráðherra í annarri og Guðbjartur Hannesson, 2. þm. Norðvesturkjördæmis, í þriðju umferð.
Fyrir Framsóknarflokk töluðu Guðni Ágústsson, 3. þm. Suðurkjördæmis, í fyrstu umferð, í annarri Siv Friðleifsdóttir, 10. þm. Suðvesturkjördæmis, og í þriðju umferð Höskuldur Þórhallsson, 10. þm. Norðausturkjördæmis.
Fyrir Frjálslynda flokkinn töluðu í fyrstu umferð Guðjón A. Kristjánsson, 6. þm. Norðvesturkjördæmis, Kristinn H. Gunnarsson, 9. þm. Norðvesturkjördæmis, í annarri umferð en í þriðju umferð Jón Magnússon, 10. þm. Reykjavíkurkjördæmis suður.
Fundi slitið kl. 22:00.
---------------