þingsköp Alþingis.
Hæstv. forseti. Annarri umræðu um þingskapalög lauk í nótt með því að þingflokkur Vinstri hreyfingarinnar – græns framboðs ítrekaði tillögu sína um að endanlegri afgreiðslu málsins yrði skotið á frest fram yfir áramótin, en ef meiri hlutinn féllist á þá tilhögun mundi þingflokkurinn draga breytingartillögur sínar við þingskapafrumvarpið til baka. Þessari ósk var beint til hæstv. forseta þingsins sem jafnframt er 1. flutningsmaður að málinu.
Þetta gerum við með það í huga að mikilvægt er að sátt og samkomulag ríki um þingskapalög Alþingis. Þetta gerum við einnig í krafti þess að við teljum að slíku samkomulagi og slíkri sátt sé hægt að ná.