Aðrar útgáfur af skjalinu: PDF - Word Perfect. Ferill 170. máls.
143. löggjafarþing 2013–2014.
Þingskjal 506 — 170. mál.
1. Hvað komu margir ferðamenn hingað til lands árin 2002–2012?
Eftirfarandi tafla sýnir heildarfjölda erlendra ferðamanna sem komu hingað til lands árin 2002–2012. Gögnin eru frá Ferðamálastofu.
2. Hverjar voru tekjur ríkissjóðs af hverjum ferðamanni að meðaltali framangreind ár, sett fram fyrir hvert ár á verðlagi ársins 2013?
Hagstofa Íslands hefur á undanförnum árum annast tölfræðivinnslu um áhrif ferðaþjónustu á tilteknar hagstærðir, eða allt fram til ársins 2012 þegar vinnslan stöðvaðist vegna fjárskorts. Síðustu tölur úr þeirri vinnu eru frá árinu 2009. Í eftirfarandi töflu koma fram áætlaðar beinar skatttekjur af hverjum ferðamanni tímabilið 2002–2009 samkvæmt umræddri vinnslu Hagstofunnar en fjárhæðir fyrir 2010–2012 eru áætlaðar út frá veltu erlendra greiðslukorta innan lands á grundvelli gagna frá Hagstofunni.
Uppfærsla fjárhæða til verðlags 2013 tekur mið af breytingum á vísitölu neysluverðs.
3. Hverjar eru helstu skýringar á tekjumun milli ára?
Gengið er út frá þeirri forsendu að átt sé við þróun beinna skatttekna á föstu verðlagi á hvern ferðamann yfir tímabilið 2002–2012, sem sýnir umtalsverða lækkun í krónum talið. Ljóst er að margir samverkandi þættir liggja að baki þeirri lækkun sem erfitt er að meta hvern fyrir sig. Ráðuneytið hefur ekki yfir að ráða slíkri greiningu, en leiða má að því sterkar líkur að þessi mikla fjölgun ferðamanna feli í sér breytingar á samsetningu hópsins. Ýmsar kannanir virðast benda til þess að hver ferðamaður eyði lægri fjárhæðum hér á landi en í upphafi tímabilsins sem skoðað er. Gistimöguleikum hérlendis hefur til dæmis fjölgað verulega, sérstaklega í ódýrari kantinum, sem væntanlega á sinn þátt í að skapa grundvöll fyrir þeirri fjölgun sem orðið hefur. Lækkun virðisaukaskatts 1. mars 2007 úr 14% í 7%, á matvöru, veitinga- og gistiþjónustu, skýrir væntanlega einnig hluta af þessari þróun þar sem þau viðskipti veita ekki rétt til endurgreiðslu virðisaukaskatts eins og kaup á varanlegum varningi.
143. löggjafarþing 2013–2014.
Þingskjal 506 — 170. mál.
Svar
fjármála- og efnahagsráðherra við fyrirspurn frá Oddnýju G. Harðardóttur
um tekjur ríkissjóðs af hverjum ferðamanni.
1. Hvað komu margir ferðamenn hingað til lands árin 2002–2012?
Eftirfarandi tafla sýnir heildarfjölda erlendra ferðamanna sem komu hingað til lands árin 2002–2012. Gögnin eru frá Ferðamálastofu.
| 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | |
| Fjöldi ferðamanna | 277.900 | 320.000 | 360.400 | 374.100 | 422.300 | 485.000 | 502.000 | 493.900 | 488.600 | 565.600 | 672.900 |
| Breyting frá fyrra ári | 15,15% | 12,63% | 3,80% | 12,88% | 14,85% | 3,51% | -1,61% | -1,07% | 15,76% | 18,97% |
2. Hverjar voru tekjur ríkissjóðs af hverjum ferðamanni að meðaltali framangreind ár, sett fram fyrir hvert ár á verðlagi ársins 2013?
Hagstofa Íslands hefur á undanförnum árum annast tölfræðivinnslu um áhrif ferðaþjónustu á tilteknar hagstærðir, eða allt fram til ársins 2012 þegar vinnslan stöðvaðist vegna fjárskorts. Síðustu tölur úr þeirri vinnu eru frá árinu 2009. Í eftirfarandi töflu koma fram áætlaðar beinar skatttekjur af hverjum ferðamanni tímabilið 2002–2009 samkvæmt umræddri vinnslu Hagstofunnar en fjárhæðir fyrir 2010–2012 eru áætlaðar út frá veltu erlendra greiðslukorta innan lands á grundvelli gagna frá Hagstofunni.
| 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | |
| Skattar á ferðaþjónustu alls (millj. kr.) | 8.859 | 9.688 | 10.652 | 10.953 | 12.307 | 11.954 | 13.064 | 13.389 | 13.406 | 17.198 | 20.630 |
| Skattar á hvern ferðamann (kr.) | 31.878 | 30.275 | 29.556 | 29.278 | 29.143 | 24.647 | 26.024 | 27.109 | 27.439 | 30.407 | 30.659 |
| Skattar á hvern ferðamann (verðlag 2013) | 59.046 | 54.944 | 52.002 | 49.528 | 46.215 | 37.201 | 34.860 | 32.420 | 31.137 | 33.177 | 31.801 |
Uppfærsla fjárhæða til verðlags 2013 tekur mið af breytingum á vísitölu neysluverðs.
3. Hverjar eru helstu skýringar á tekjumun milli ára?
Gengið er út frá þeirri forsendu að átt sé við þróun beinna skatttekna á föstu verðlagi á hvern ferðamann yfir tímabilið 2002–2012, sem sýnir umtalsverða lækkun í krónum talið. Ljóst er að margir samverkandi þættir liggja að baki þeirri lækkun sem erfitt er að meta hvern fyrir sig. Ráðuneytið hefur ekki yfir að ráða slíkri greiningu, en leiða má að því sterkar líkur að þessi mikla fjölgun ferðamanna feli í sér breytingar á samsetningu hópsins. Ýmsar kannanir virðast benda til þess að hver ferðamaður eyði lægri fjárhæðum hér á landi en í upphafi tímabilsins sem skoðað er. Gistimöguleikum hérlendis hefur til dæmis fjölgað verulega, sérstaklega í ódýrari kantinum, sem væntanlega á sinn þátt í að skapa grundvöll fyrir þeirri fjölgun sem orðið hefur. Lækkun virðisaukaskatts 1. mars 2007 úr 14% í 7%, á matvöru, veitinga- og gistiþjónustu, skýrir væntanlega einnig hluta af þessari þróun þar sem þau viðskipti veita ekki rétt til endurgreiðslu virðisaukaskatts eins og kaup á varanlegum varningi.
