2. FUNDUR
miðvikudaginn 13. sept.,
kl. 7.30 síðdegis.
Stefnuræða forsætisráðherra og umræður um hana.
Umræðum um stefnuræðu forsætisráðherra var útvarpað og sjónvarpað miðvikudaginn 13. september 2017 kl. 19:30. Umræðurnar skiptust í þrjár umferðir. Forsætisráðherra hafði 18 mínútur til framsögu en aðrir þingflokkar en þingflokkur forsætisráðherra höfðu 10 mínútur í fyrstu umferð, í annarri og þriðju umferð höfðu þingflokkarnir 5 mínútur hver.
Röð flokkanna var í öllum umferðum þessi: Sjálfstæðisflokkur, Vinstri hreyfingin -- grænt framboð, Píratar, Framsóknarflokkur, Viðreisn, Björt framtíð, Samfylkingin.
Ræðumenn fyrir Sjálfstæðisflokk voru Bjarni Benediktsson forsætisráðherra í fyrstu umferð, Sigríður Á. Andersen dómsmálaráðherra, í annarri umferð og Páll Magnússon, 1. þm. Suðurkjördæmis, í þriðju umferð.
Ræðumenn fyrir Vinstri hreyfinguna grænt framboð voru Katrín Jakobsdóttir, 2. þm. Reykjavíkurkjördæmis norður, í fyrstu umferð, í annarri Steingrímur J. Sigfússon, 3. þm. Norðausturkjördæmis, og í þriðju umferð Kolbeinn Óttarsson Proppé, 6. þm. Reykjavíkurkjördæmis suður.
Fyrir Pírata töluðu Birgitta Jónsdóttir, 3. þm. Reykjavíkurkjördæmis norður, í fyrstu umferð, Þórhildur Sunna Ævarsdóttir, 10. þm. Suðvesturkjördæmis, í annarri umferð, og Eva Pandora Baldursdóttir, 5. þm. Norðvesturkjördæmis, í þriðju.
Fyrir Framsóknarflokk töluðu Sigurður Ingi Jóhannsson, 2. þm. Suðurkjördæmis, í fyrstu umferð, í annarri Lilja Alfreðsdóttir, 9. þm. Reykjavíkurkjördæmis suður, og í þriðju umferð Silja Dögg Gunnarsdóttir, 7. þm. Suðurkjördæmis.
Ræðumenn Viðreisnar voru í fyrstu umferð Benedikt Jóhannesson, fjármála- og efnahagsráðherra, Þorgerður Katrín Gunnarsdóttir, sjávarútvegs- og landbúnaðarráðherra, í annarri og í þriðju umferð Þorsteinn Víglundsson, félags- og jafnréttismálaráðherra.
Fyrir Bjarta framtíð töluðu í fyrstu umferð Óttarr Proppé heilbrigðisráðherra, í annarri Björt Ólafsdóttir, umhverfis- og auðlindaráðherra, og í þriðju umferð Theodóra S. Þorsteinsdóttir, 12. þm. Suðvesturkjördæmis.
Ræðumenn Samfylkingarinnar voru í fyrstu umferð Logi Einarsson, 9. þm. Norðausturkjördæmis, í annarri Oddný G. Harðardóttir, 10. þm. Suðurkjördæmis, og Guðjón S. Brjánsson, 8. þm. Norðvesturkjördæmis, í þriðju umferð.
Fundi slitið kl. 22:07.
---------------