Ferill 332. máls. Aðrar útgáfur af skjalinu: PDF - Word Perfect.
151. löggjafarþing 2020–2021.
Þingskjal 388 — 332. mál.
Fyrirspurn
til dómsmálaráðherra um spilakassa.
Frá Birni Leví Gunnarssyni.
1. Hverjar voru brúttótekjur Íslandsspila sf. og Happdrættis Háskóla Íslands af spilakössum árið 2019?
2. Hver voru heildarrekstrargjöld hvors fyrirtækis árið 2019 og hve stór hluti rekstrargjalda rann annars vegar til kaupa og hins vegar til leigu á spilakössum?
3. Af hvaða aðilum hafa spilakassar, annars vegar Happdrættis Háskóla Íslands og hins vegar Íslandsspila sf., verið keyptir eða leigðir eftir atvikum árið 2019 og hve stór hluti tekna af spilakössum, hlutfallslega og í krónum, rann til rekstraraðila þar sem spilakassarnir eru starfræktar?
4. Hverjar voru heildarvinningsfjárhæðir hvors fyrirtækis árið 2019?
5. Hverjar voru tekjur hvors fyrirtækis að frádregnum vinningum og kostnaði árið 2019?
6. Hver voru heildarframlög hvors fyrirtækis vegna nýrra leikja eða spilakassa árið 2019 til:
a. forvarna og þá hvaða forvarnaverkefna,
b. meðferða og þá hvaða meðferða,
c. auglýsinga og markaðsmála, og þá hvaða auglýsinga og markaðsmála?
7. Hversu margir spilakassar eru í rekstri annars vegar hjá Happdrætti Háskóla Íslands og hins vegar Íslandsspilum sf.?
8. Hvar eru spilakassar staðsettir og hversu margir spilakassar eru í rekstri á hverjum stað fyrir sig?
9. Hversu hátt er vinningshlutfall spilakassanna annars vegar hjá Happdrætti Háskóla Íslands og hins vegar hjá Íslandsspilum sf.? Útreikningar óskast sundurliðaðir.
10. Eru einhverjir af spilakössum Happdrættis Háskóla Íslands eða Íslandsspila sf. með sjálfspilun (e. auto play)?
11. Hver bar ábyrgð á eftirfylgni með framkvæmd laga um spilakassa á árunum 2015–2019?
12. Hverjar voru niðurstöður úttekta á þeim árum á þeim atriðum sem fylgjast skal með eins og vinningshlutfalli?
Skriflegt svar óskast.
