Ferill 515. máls. Aðrar útgáfur af skjalinu: PDF - Word Perfect.
151. löggjafarþing 2020–2021.
Þingskjal 862 — 515. mál.
Fyrirspurn
til mennta- og menningarmálaráðherra um eflingu íslenskukennslu fyrir innflytjendur og fullorðinsfræðslu.
Frá Guðjóni S. Brjánssyni.
1. Hyggst ráðherra beita sér fyrir eflingu íslenskukennslu fyrir innflytjendur, sérstaklega í ljósi núverandi þrenginga á vinnumarkaði, og ef svo er, hvernig mun það snúa að viðkomandi einstaklingum, bæði hvað varðar kostnað og faglega þætti?
2. Áformar ráðherra að beita sér fyrir átaki í skipulagi raunfærnimats þar sem kostnaður er oft til hindrunar, svo sem vegna túlka og eftirfylgni?
3. Telur ráðherra ástæðu til að skilgreina og styðja betur við fullorðinsfræðslu sem almennt er álitin fimmta menntastoðin og ef svo er, hvernig hyggst ráðherra tryggja það svo að reynsla og sveigjanleiki í starfi Símenntunarmiðstöðva nýtist sem best?
