Ferill 666. máls. Aðrar útgáfur af skjalinu: PDF - Word Perfect.
152. löggjafarþing 2021–2022.
Þingskjal 965 — 666. mál.
Fyrirspurn
til heilbrigðisráðherra um kulnun starfsfólks á Landspítala.
Frá Evu Sjöfn Helgadóttur.
1. Hversu margir starfsmenn á Landspítala tóku sér veikindaleyfi vegna kulnunar árin 2012–2021 og hvert var hlutfall þeirra af heildarstarfsmannafjölda ár hvert?
2. Hversu margir starfsmenn á Landspítala sem tekið höfðu sér veikindaleyfi vegna kulnunar árin 2012–2021 sögðu upp störfum í framhaldinu og hvert var hlutfall þeirra af heildarstarfsmannafjölda ár hvert?
3. Hversu lengi höfðu þeir sem sögðu upp störfum á Landspítala vegna kulnunar árin 2012–2021 starfað á spítalanum að meðaltali? Svar óskast sundurliðað eftir starfsstéttum, kyni og aldri.
Skriflegt svar óskast.