2. FUNDUR
miðvikudaginn 14. sept.,
kl. 7.35 síðdegis.
Stefnuræða forsætisráðherra og umræður um hana.
Umræðurnar skiptust í tvær umferðir. Hver þingflokkur hafði 6 mínútur í hvorri umferð en forsætisráðherra hafði 12 mínútur til framsögu. Röð flokkanna var þessi í báðum umferðum: Vinstrihreyfingin -- grænt framboð, Samfylkingin, Flokkur fólksins, Sjálfstæðisflokkur, Píratar, Framsóknarflokkur, Viðreisn og Miðflokkurinn.
Ræðumenn fyrir Vinstrihreyfinguna -- grænt framboð voru Katrín Jakobsdóttir forsætisráðherra í fyrri umferð og Svandís Svavarsdóttir matvælaráðherra í seinni umferð.
Fyrir Samfylkinguna töluðu Logi Einarsson, 5. þm. Norðaust., í fyrri umferð og Þórunn Sveinbjarnardóttir, 8. þm. Suðvest., í seinni umferð.
Fyrir Flokk fólksins töluðu Inga Sæland, 7. þm. Reykv. s., í fyrri umferð og Guðmundur Ingi Kristinsson, 9. þm. Suðvest., í seinni umferð.
Fyrir Sjálfstæðisflokk töluðu Bjarni Benediktsson fjármála- og efnahagsráðherra í fyrri umferð og í seinni umferð Hildur Sverrisdóttir, 5. þm. Reykv. s.
Ræðumenn Pírata voru í fyrri umferð Halldóra Mogensen, 3. þm. Reykv. n., og í seinni umferð Gísli Rafn Ólafsson, 13. þm. Suðvest.
Fyrir Framsóknarflokk töluðu í fyrri umferð Sigurður Ingi Jóhannsson innviðaráðherra og í seinni umferð Willum Þór Þórsson heilbrigðisráðherra.
Ræðumenn Viðreisnar voru í fyrri umferð Þorgerður K. Gunnarsdóttir, 5. þm. Suðvest., og Guðbrandur Einarsson, 10. þm. Suðurk., í þeirri seinni.
Ræðumenn Miðflokksins voru Sigmundur Davíð Gunnlaugsson, 7. þm. Norðaust., í fyrri umferð, og Bergþór Ólason, 8. þm. Norðvest., í seinni umferð.
Fundi slitið kl. 21:27.
---------------
