Ferill 525. máls. Aðrar útgáfur af skjalinu: PDF - Word Perfect.
153. löggjafarþing 2022–2023.
Þingskjal 665 — 525. mál.
Fyrirspurn
til fjármála- og efnahagsráðherra um fjölda stöðugilda hjá ríkinu.
Frá Diljá Mist Einarsdóttur.
1. Hver var fjöldi stöðugilda hjá ríkinu, þ.e. þar sem Fjársýsla ríkisins er launagreiðandi, ár hvert á tímabilinu 2011–2021, sundurliðað eftir landshlutum og eftirfarandi störfum:
a. störfum innan menntakerfisins,
b. störfum við löggæslu,
c. störfum innan heilbrigðiskerfisins,
d. störfum við stjórnsýslu, og
e. öðrum störfum?
2. Hver var fjöldi stöðugilda hjá opinberum hlutafélögum og bönkum í ríkiseigu ár hvert á tímabilinu 2011–2021, sundurliðað eftir landshlutum?
3. Hver var fjöldi stöðugilda hvers ráðuneytis og undirstofnana þeirra á árinu 2021?
Skriflegt svar óskast.
