Ferill 815. máls. Aðrar útgáfur af skjalinu: PDF - Word Perfect.
154. löggjafarþing 2023–2024.
Þingskjal 1959 — 815. mál.
Svar
umhverfis-, orku- og loftslagsráðherra við fyrirspurn frá Kára Gautasyni um raforku.
1. Hver er aukning í raforkuframleiðslu á tímabilinu 1. janúar 2017 – 1. janúar 2024 í gígavattstundum?
Samkvæmt upplýsingum frá Orkustofnun jókst raforkuvinnsla á tímabilinu um 1.005 GWst og var í árslok 2023 20,24 TWst.
2. Hver er aukning í raforkunotkun gagnavera á fyrrgreindu tímabili í gígavattstundum?
Samkvæmt upplýsingum frá Orkustofnun jókst raforkunotkun gagnavera um 772 GWst á tímabilinu.
3. Hver er aukning í raforkunotkun kísilmálmvera á fyrrgreindu tímabili í gígavattstundum?
Samkvæmt upplýsingum frá Orkustofnun jókst raforkunotkun kísilmálmvera um 235 GWst á tímabilinu.
4. Hver er aukning í raforkunotkun heimila annars vegar og smærri fyrirtækja hins vegar á fyrrgreindu tímabili í gígavattstundum?
Samkvæmt upplýsingum frá Orkustofnun jókst raforkunotkun heimila um 114 GWst á tímabilinu og almennra fyrirtækja um 164 GWst á sama tímabili.
5. Hvert var orkutap í flutningskerfi raforku á fyrrgreindu tímabili í gígavattstundum?
Samkvæmt upplýsingum frá Orkustofnun var að meðaltali 381 GWst tap í flutningskerfi raforku á ári á umræddu tímabili.
6. Hver var eigin orkunotkun virkjana á fyrrgreindu tímabili í gígavattstundum?
Eigin orkunotkun virkjana í rekstri var að meðaltali 381 GWst á ári á umræddu tímabili.
Til að setja framangreind svör í samhengi vísast í töflu hér á eftir sem sýnir þróun raforkuvinnslu og notkun hennar.
| Raforkuvinnsla | Gagnaver | Kísilmálmver | Heimili | Almenn fyrirtæki | Flutningstöp | Eigin notkun virkjana | |
| GWst | GWst | GWst | GWst | GWst | GWst | GWst | |
| 2017 | 19.239 | 279 | 13 | 823 | 2.478 | 373 | 374 |
| 2018 | 19.830 | 582 | 233 | 865 | 2.660 | 398 | 394 |
| 2019 | 19.495 | 990 | 294 | 848 | 2.486 | 366 | 391 |
| 2020 | 19.130 | 828 | 181 | 879 | 2.415 | 353 | 383 |
| 2021 | 19.641 | 966 | 261 | 915 | 2.432 | 388 | 355 |
| 2022 | 20.121 | 1.156 | 422 | 912 | 2.473 | 385 | 377 |
| 2023 | 20.244 | 1.051 | 248 | 937 | 2.642 | 403 | 392 |
