Elsa Lára Arnardóttir

Fædd í Reykjavík 30. desember 1975. Foreldrar: Örn Johansen (fæddur 11. ágúst 1957, dáinn 20. desember 2018) verktaki og Sigríður Lárusdóttir (fædd 4. febrúar 1960) sjúkraliði. Maki: Rúnar Geir Þorsteinsson (fæddur 28. júlí 1974) rafiðnfræðingur. Foreldrar: Hrönn Árnadóttir og Þorsteinn Jónsson. Börn: Þorsteinn Atli (1998), Þórdís Eva (2003).

Stúdentspróf FVA 1996. B.Ed.-grunnskólakennarapróf frá KHÍ 2005. MLM-próf í stjórnun og forystu frá Háskólanum á Bifröst 2019.

Starfaði við fiskvinnslu hjá Skinney–Þinganesi á Höfn í Hornafirði á sumrin 1993–1997. Fulltrúi hjá Tryggingastofnun ríkisins 1998–1999. Ritari hjá Brekkubæjarskóla á Akranesi 1999–2001 og leiðbeinandi þar 2001–2003. Kennari við Heiðarskóla í Hvalfjarðarsveit 2005-2006 og við Brekkubæjarskóla á Akranesi 2006–2013. Grunnskólakennari við Brekkubæjarskóla á Akranesi 2018–2019. Aðstoðarskólastjóri Brekkubæjarskóla á Akranesi 2019–.

Í fulltrúaráði Heimilis og skóla síðan 2008. Varamaður í bæjarstjórn Akraness 2010–2013. Í stjórn Akranesstofu 2010–2013, varamaður í fjölskylduráði og bæjarráði 2010–2013 og fulltrúaráði FVA síðan 2010. Í forystu fyrir foreldrahóp einhverfra barna á Akranesi og nágrenni 2010–2012. Í afmælisnefnd Akraneskaupsstaðar 2012. Í bæjarstjórn Akraness 2018–2022. Formaður bæjarráðs Akraness 2018–2022.

Alþingismaður Norðvesturkjördæmis 2013-2017 (Framsóknarflokkur).

Varaþingmaður Norðvesturkjördæmis október 2022 (Framsóknarflokkur).

Allsherjar- og menntamálanefnd 2013-2015, velferðarnefnd 2015-2016 og 2017, stjórnskipunar- og eftirlitsnefnd 2015-2016, efnahags- og viðskiptanefnd 2016-2017.

Íslandsdeild þings Öryggis- og samvinnustofnunar Evrópu 2013-2016 (formaður).