Á forsíðu
Þingmál
Þingmenn
Þingfundir
Ræður
Lagasafn
Þingnefndir
Alþjóðastarf
Bein útsending


Næst í nærmynd
Guðjón S. Brjánsson
6. þm. NV, Sf, GBr
Guðjón S. Brjánsson

   
Gísli Jónsson

Gísli Jónsson

Fæddur í Litlabæ á Álftanesi 17. ágúst 1889, dáinn 7. október 1970. Foreldrar: Jón Hallgrímsson (fæddur 19. maí 1855, dáinn 24. mars 1921) útvegsbóndi þar og kona hans Guðný Jónsdóttir (fædd 12. ágúst 1857, dáin 11. júní 1928) húsmóðir. Maki (3. júlí 1920): Hlín Þorsteinsdóttir (fædd 5. desember 1899, dáin 9. nóvember 1964) húsmóðir, afasystir Ásgeirs Hannesar Eiríkssonar alþingismanns. Foreldrar: Þorsteinn Jónsson og kona hans Guðrún Bjarnadóttir. Börn: Guðrún (1921), Þorsteinn (1924), Haraldur (1928).

Nam járnsmíði á Ísafirði 1908—1909, vélsmíði í Englandi 1914 og Kaupmannahöfn 1915. Stundaði nám við vélfræðideild Stýrimannaskólans 1913—1914, við Vélstjóraskóla Íslands 1915—1916, lauk prófi frá honum (skírteini nr. 1).

Kyndari 1910—1911. Vélstjóri á togurum 1911—1913. Vélstjóri á strandferðaskipum 1914—1915. Vélstjóri á skipum Eimskipafélags Íslands 1915 og 1917, yfirvélstjóri á skipum þess 1918—1924. Skipaður 1924 umsjónarmaður skipa og véla, sá um smíði allra nýsköpunartogara ríkissjóðs 1945—1950, lausn 1968. Jafnframt framkvæmdastjóri ýmissa félaga og fyrirtækja í Reykjavík og á Bíldudal frá 1933.

Í sjó- og verslunardómi Reykjavíkur 1933—1937. Formaður Vélstjórafélags Íslands 1919—1924. Kosinn 1942 í úthlutunarnefnd bifreiða. Skipaður 1942 í skipulagsnefnd skipaviðgerða, 1943 í milliþinganefnd um skipasmíðastöð í Reykjavík og skipulagningu strandferða, 1943 í Reykhólanefnd, 1944 í milliþinganefnd um póstmál. Átti sæti í milliþinganefnd um vernd barna og unglinga á glapstigum 1947—1948. Í Þingvallanefnd 1950—1957, formaður. Í Norðurlandaráði 1952—1956 og 1959—1963, formaður Íslandsdeildar þess 1959—1963, forseti ráðsins 1960, varaforseti 1959 og 1961—1963. Í kosningalaganefnd 1954 og í milliþinganefnd í sjávarútvegsmálum 1956. Í byggðajafnvægisnefnd 1954—1956. Í stjórn landshafnar í Rifi 1951—1960 og 1953 og 1960 í skattalaganefnd.

Alþingismaður Barðstrendinga 1942—1956 og 1959, alþingismaður Vestfirðinga 1959—1963 (Sjálfstæðisflokkur).

Forseti efri deildar 1953—1956. 2. varaforseti efri deildar 1942—1943 og 1946—1947.


Samdi ferðasögur og á síðustu æviárunum æviminningar: Frá foreldrum mínum, og nokkrar skáldsögur.


Síðast breytt 01.04.2016.





Þingmenn í stafrófsröð

Skammstafanir í æviágripum



Öllum fyrirspurnum, ábendingum og tillögum um
vef Alþingis skal beint til ritstjóra vefs Alþingis.