Á forsíðu
Þingmál
Þingmenn
Þingfundir
Ræður
Lagasafn
Þingnefndir
Alþjóðastarf
Bein útsending


Næst í nærmynd
Halla Signý Kristjánsdóttir
7. þm. NV, F, HSK
Halla Signý Kristjánsdóttir

   
Gunnlaugur M. Sigmundsson

Gunnlaugur M. Sigmundsson

Fæddur í Reykjavík 30. júní 1948. Foreldrar: Sigmundur Jónsson (fæddur 11. október 1911, dáinn 23. desember 1997) fjármálastjóri og kona hans Nanna Gunnlaugsdóttir (fædd 8. júní 1911, dáin 3. október 2007) fótaaðgerðafræðingur. Maki (25. ágúst 1973): Sigríður Guðbjörg Sigurbjörnsdóttir (fædd 5. október 1948) skrifstofustjóri. Foreldrar: Sigurbjörn Þórðarson og kona hans Heiðveig Hálfdánardóttir. Börn: Sigmundur Davíð (1975), Sigurbjörn Magnús (1977), Nanna Margrét (1978).

Stúdentspróf MR 1970. Viðskiptafræðipróf HÍ 1974. Námskeið á vegum Alþjóðagjaldeyrissjóðsins í Washington 1976.

Starfsmaður fjármálaráðuneytis 1974-1982. Starfsmaður Alþjóðabankans í Washington 1982-1984. Forstjóri Framkvæmdastofnunar ríkisins 1985. Forstjóri Þróunarfélags Íslands hf. 1986-1993. Forstjóri Kögunar hf. 1993-2006. Stjórnarformaður HLAÐBÆR-COLAS hf. Framkvæmdastjóri Máttar ehf. síðan 2006.

Í þingmannanefnd EFTA/EES 1995 og fulltrúi í Þingmannasamtökum Norður-Atlantshafsríkjanna 1995. Hefur setið í fjölmörgum öðrum opinberum nefndum og stjórnum fyrirtækja bæði hérlendis og erlendis.

Alþingismaður Vestfirðinga 1995-1999 (Framsóknarflokkur).


Hefur ritað fjölmargar greinar um viðskipti, fjármál og stjórnmál.


Síðast breytt 04.11.2019.





Þingmenn í stafrófsröð

Skammstafanir í æviágripum



Öllum fyrirspurnum, ábendingum og tillögum um
vef Alþingis skal beint til ritstjóra vefs Alþingis.