Magnús Stefánsson Fæddur í Reykjavík 1. október 1960. Foreldrar: Stefán Jóhann Sigurðsson (fæddur 17. september 1937, dáinn 28. október 2015) svæðisstjóri og kona hans Guðrún Alexandersdóttir (fædd 14. ágúst 1935) skrifstofumaður. Maki (2. júlí 1988): Sigrún Drífa Óttarsdóttir (fædd 9. júní 1965) bankastarfsmaður. Foreldrar: Óttar Guðlaugsson og kona hans Bára Guðmundsdóttir. Börn: Guðrún (1987), Guðmundur (1991). Samvinnuskólapróf 1980. Stúdentspróf Samvinnuskóla 1987. Rekstrarfræðipróf Samvinnuháskólanum 1990. Starfsmaður búvörudeildar SÍS 1980-1981. Kennari við Grunnskóla Ólafsvíkur 1981-1982. Bæjarritari í Ólafsvík 1982-1985. Sjómennska 1987-1988. Sveitarstjóri í Grundarfirði 1990-1995. Framkvæmdastjóri Heilbrigðisstofnunarinnar Selfossi 1999-2001. Skipaður 15. júní 2006 félagsmálaráðherra, lausn 18. maí 2007 en gegndi störfum til 24. maí. Í héraðsnefnd Snæfellinga 1990-1995, formaður 1991-1995. Í stjórn Hraðfrystihúss Grundarfjarðar hf. 1992-1995 og í stjórn Fiskmarkaðar Breiðafjarðar hf. 1992-1996. Í atvinnumálanefnd Sambands sveitarfélaga á Vesturlandi 1994-1995. Í stjórn Pósts og síma hf. 1996-1998, í stjórn Landssíma Íslands hf. 1998-2002. Í stjórn Rariks 1997-1999. Sat þing Alþjóðaþingmannasambandsins 1995-1999. Alþingismaður Vesturlands 1995-1999 og 2001-2003, alþingismaður Norðvesturkjördæmis 2003-2009 (Framsóknarflokkur). Varaþingmaður Vesturlands október 2000 og janúar-febrúar 2001. Félagsmálaráðherra 2006-2007. 5. varaforseti Alþingis 2007-2008. Samgöngunefnd 1995-1999, 2001-2003, 2004-2006 og 2008, landbúnaðarnefnd 1995-1999 og 2003-2006, félagsmálanefnd 1995-1999 og 2001-2003, utanríkismálanefnd 2001-2004 og 2006 (varaformaður 2001-2003 og 2006), heilbrigðis- og trygginganefnd 2001, umhverfisnefnd 2001-2003 (formaður) og 2004-2005, fjárlaganefnd 2003-2006 (formaður) og 2008-2009, kjörbréfanefnd 2003-2009, efnahags- og skattanefnd 2007-2008, sjávarútvegs- og landbúnaðarnefnd 2009. Íslandsdeild Alþjóðaþingmannasambandsins 1995-1999, Íslandsdeild ÖSE-þingsins 2001-2003 (form.), Íslandsdeild þingmannaráðstefnunnar um Norðurskautsmál 2002-2006, Íslandsdeild NATO-þingsins 2003-2006 og 2007-2009. |