Á forsíðu
Þingmál
Þingmenn
Þingfundir
Ræður
Lagasafn
Þingnefndir
Alþjóðastarf
Bein útsending


Næst í nærmynd
Bergþór Ólason
4. þm. NV, M, BergÓ
Bergþór Ólason

   
Benedikt Sveinsson

Benedikt Sveinsson

Fæddur á Sandfelli í Öræfum 20. janúar 1826 (mun þó sjálfur hafa talið fæðingarár sitt 1827), dáinn 2. ágúst 1899. Foreldrar: Sveinn Benediktsson (fæddur 22. maí 1792, dáinn 5. september 1849) prestur þar og kona hans Kristín Jónsdóttir (fædd í apríl 1794, dáin 21. júlí 1879) húsmóðir. Maki (1859): Katrín Einarsdóttir (fædd 31. ágúst 1840, dáin 17. maí 1914) húsmóðir. Þau skildu. Foreldrar: Einar Stefánsson og kona hans Ragnheiður Benediktsdóttir. Börn: Ragnheiður (1860), Sveinn (1862), Einar (1864), Kristín (1867), Sveinlaug (1870), Ólafur Sveinar Haukur (1872).

Stúdentspróf Lsk. 1852. Lögfræðipróf Hafnarháskóla 1858.

Heimiliskennari á Reynistað 1850—1852. Skipaður 5. maí 1859 2. yfirdómari og dómsmálaritari við landsyfirréttinn, sat að Elliðavatni, vikið frá embætti 19. ágúst 1870. Sýslumaður í Þingeyjarsýslu 1874—1897, sat á Héðinshöfða. Fluttist til Reykjavíkur 1897, bjó að Vatnsenda frá 1898.

Skipaður 1859 í nefnd til umsjónar í fjárkláðamálinu.

Konungkjörinn alþingismaður 1861—1863 (varaþingmaður), alþingismaður Árnesinga 1864—1880, alþingismaður Norður-Múlasýslu 1881—1885, alþingismaður Eyfirðinga 1886—1892 og alþingismaður Norður-Þingeyinga 1892— 1899.

Forseti sameinaðs þings 1886, 1887, 1893 og 1894, forseti neðri deildar 1889, 1893 og 1895. Varaforseti neðri deildar 1891.


Greinar eftir hann birtust í tímaritum og blöðum, m. a. um stjórnarskipunarmál Íslands.

Ritstjóri: Íslendingur (1860—1865).


Síðast breytt 04.04.2016.





Þingmenn í stafrófsröð

Skammstafanir í æviágripum



Öllum fyrirspurnum, ábendingum og tillögum um
vef Alþingis skal beint til ritstjóra vefs Alþingis.